Ruth va ma kulu ma Booz

 

Ruth 3

1Yilumbu yimosi Noemi amatsingule Ruth rie: Muane, nyilabi yiri diweru dimatole ukunsa diambu diagu yiri gulabange ubueji. 2Nana guijabili Booz agu gumasala va mosi na basalitsi bandi avu yiburu yietu. Na mukolu egugu osaga orsa va yisagulu yiandi. 3Buile, nogolile mua matsi noduara biduaru biboti mbane gukamurasuna o mbure aji esayili orsa tsiandi, guyakelasa ombu gandi te na amamane uji nonu. 4Ava owendile uyesilama gukakete mbura aji oyesilamina. Mbana gukaduta dimfunga diandi noyesilama va makulu mandi. Jaʼ beni ogutsingula adi guvage. 5Ruth amawaka rie: Nyuvaga motsu ama gumansingula.

6Amawenda o yisagulu na amayevage motsu ama boji buandi amamutsingula. 7Booz amaji nonu na amalaba tindi nsangu. Mbane amayesilama bebeli na diguki diorsa. Kabogu Ruth amawenda na amaduta dimfunga diandi na buranga, na amayesilama va makulu mandi. 8Ava midi mimukolu Booz amarambuge na amagaangu na goma; amakambulu tindi ukambulu ulaba mugetu va makulu mandi. 9Amawivularie: Ndeʼ lanyi?

Ruth amawaka rie: Menu la musalitsi agu Ruth; kumbi dimfunga mu mbari gune musuga umbialile.

10Booz amawagula rie: Miula miFumu mibi nagu Ruth! Adi guivayi namunyi diviolili adi gumavaganga na kala. Gugaayenadukange bafudu nesi bijaga nesi bisine. 11Guyamuelaba keri, nyuguvayila diotsu adi gukwivula; mu mbari bisi musiengi botsu bejabi yiri guji tindi mugetu. 12Dingensaenyina musuga uotsu, tumba vaki mutu ususu osinsa ubambane uviolilae jnenu. 13Gukasilame, muna kedi nyuwendr nokunse diambu diagu. Pa mutu eni ebusi, meʼ beni nyugukunsila motsu. Ne nana silame vane te na kedi.

14Kabogu Ruth amasilame va makulu mandi te na kedi, amasimbuge nesi wisi ukatebuga. Mu mbari Booz amavosa rie: Batu bayajabe yiri ndeju gumakota o yisagulu. 15Amamutsingule rie: Vula yijungi yiagu noyiwale.

Amayiwala; Booz amapuga bietsu bisiamunu biorsa va julu yionyi. Ruth amayenatsibega; mbana Booz amayenagabuga o musiengi. 16Ruth amagabuge ombu boji buandi; Noemi amamuwivula rie: Yika tsienyi?

Ruth amamutsingule motsu ama Booz amamuvayila na 17amabuele rie: Atsipega bietsu biebibi bisiamunu biorsa na atsivosa rie: Disawelimina yiri gugabuga miogu na miogu ombu boji buagu.

18Noemi amawake rie: Ka sunse murime, tulelabe nane mambu molabinine, nyijabi yiri Booz agotambe nokunse diambu; odivage ne namunyi.

Currently Selected:

Ruth 3: PUU1992

Highlight

Share

Copy

Want to have your highlights saved across all your devices? Sign up or sign in

La sainte Bible en langue Yipunu © Alliance Biblique du Cameroun, 1992.

Learn More About La Sainte Bible en Langue Yipunu

Lire le yipunu

Bah, bah, bah, mè la Bussugu bu Dungue, mwane Dungue Nzambe na Massungue ma Kombile; mè mwisse Dibambe kadi, kote manive diangue di ma bure mbéndi; mè mwane Mubande na Mombi, fumu tsi mbatsi; Ilumbu na muni, tudji va dimbu di tate MOMBU mwisse Djungu passi a ma wètse mwanandi, dine diandi Madjintse ma Mombu, mulumiandi Mabunde ma Kontsu mwisse Budjale, budjale bu djale matoghu dighumi na bana na nièmbe; Batu ba ngane ba tsi tule na mudji, bake tsimbule na possi, budilu bu ghabe kintse; Di sile mughulu yi dibale o yé wèlangue mughétu o mu tadjandi; Mba ivunde y Mupunu a ma buke nongu yiri "Tali a ma ware na mamani, mulombu ake ware na bissidji, mughétu ake ware na dibale, mba dibala ake ghobangue na mughétu nane tsande é ghobli mu dilungu, nane mussangue é ghobili mu kingu". Kabogu, mè ni vossi vave mu diwèle di ta Mabunde na mame Djintse, va gha mussangue va gha mughughe, mussangue na passi, passi na passi u tabessune, mabura na malèla, pémbi na polu moniu nétsingu, mabi gho tsime maboti gho ghussu tuke va yiri, Djunguo...ô! , Dibambo...ô! , Budjalo...ô, Mubando...ô! , ba tato...ô! , ba mamo...ô! , ba kagho...ô! , miloluanioooo....ooo! , miloluanioo...ooo!, mawèle lembo...lembo!, mawèle lembo...lembo! , lembo lembo...lembo! ; tsaye tsayé...tsayé! tsaye tsayé... tsayé!!!

Source Alain Roger Moussavou

Lire le Yipunu

26 Mu tsungi jimusiamunu jidimi diElisa- beth, Nsambi amasindiga yiansa Gabriel o Nazareth o Galilee. ²⁷ Yimawenda na bulumbi ombu tsiemi ajimakumu na dibaala diina diandi Joseph agumaba mu yifumba yiDavid. Tsiemi eni diina diandi Marie. ²⁸ Yiansa yimalabana nandi novosa rie: Buega, Fumu aji nagu! Amagugabila miula! ²⁹ Marie amaregama na amakambulu mu diambu dibuega eni. ³⁰ Yiansa yimamutsingula rie: Guyalaba goma mu mbari Nsambi amagugabila miula. ³¹ Gulu, gudila dimi na gubura muana dibaala, diina diandi diuba Jesus. ³² Oba muneni na onengulungu Muana Nsambi aguvu uneni. Fumu Nsambi omuvega durumu dutaji andi David. ³³ Orumanga batu balsrael mutubu na durumu duandi dugovioga. ³⁴ Marie amawivula yiansa rie: Tsie diu- rungulila uba vana nyisakajaba dibaala? ³⁵ Yiansa yimamugabusila rie: Yinyunyi YiNsambi oruga ombu gagu na mangolu ma- Nsambi aguvu uneni mogukelisanga. La dibandu muana onengulungu Muana Nsambi. ³⁶ Legulu disusu: muana nguji agu Elisabeth, diuleba bamamunengilanga yinguma aka na dimi ditsungi yisiamunu nesi mu bununu buandi. ³⁷ Vagaa diambu divura ombu Nsambi. ³⁸ Kabogu Marie amavosa rie: Menu nyiji musalitsi uFumu, apayili nana guivosili Mbana yiansa yimamusila. ³⁹ Vana vana Marie amasundila uwenda o yiari yimikongu o Judee. ⁴⁰ Amakota o ndagu Zacharie; jogu na Elisabeth bamabu- mbasana. ⁴¹ Ava Elisabeth amagululu diufi di- Marie, muana andi amakunga o gari moji. Vana vana Elisabeth amabasu na Yinyunyi yiNsambi ⁴² na amagamuga na diufi dineni rie; Nsambi amagugabila miula uviolila bagetu botsu na muana agu gubura oba na miula miNsambi wandi. ⁴³ Ka muna ubueji gu nyilabi, laba nguji Fumu ami eruyi ombu garni! ⁴⁴ Yika nyigulu diufi diagu muana atsikunga na nsangu o gari moji ami. ⁴⁵ Ka muna ubueji gu gulaba mu mbari diambu diFumu adi gu- matsingulu diudugusu! ⁴⁶ Marie amavosa rie: Nyiyitsi Fumu na murima ami uotsu, ⁴⁷ Nyilabi ubueji na Nsambi, Mugobutsi ami. ⁴⁸ Amarangimina mua musalitsi andi nana menu. Ubongila namunyi botsu bondengilanga mungo miula, ⁴⁹ mu mbari aguvu na mangolu muvaga motsu amapayila diboti dineni. Ngensa diina diandi divu Nsambi. ⁵⁰ Elasi yingeba ombu botsu abemudumi. ⁵¹ Amalasa mangolu mandi ava amapansila bango dunangu. ⁵² Amasundusa bakaga na amamatisa mavolambombu. ⁵³ Amagukurusu jogu abamagulu nsala na amagabusa bisina yika miogu na miogu. ⁵⁴ Amakelisa pangini atsi amavangana na batu balsrael, asamalibana ubalasa maboti mandi. ⁵⁵ Amalasa Abraham na bategula bandi botsu maboti nana amavanginina na bivunda bietu. ⁵⁶ Marie amamana tsungi yirieru ombu Elisabeth mbana amagabusila o dimbu diandi. ⁵⁷ Diweru diElisabeth dimatola na amabura muana udibaala. ⁵⁸