17 1 Jesus anomana uvosa nana amanangula misu o julu novosa rie: Tata, diweru dimatola! Matisa Muana agu yiri Muana agu ogudodisa. 2 Laba, gumamuvega musuga uotsu yiri ovega monyu umutubu ombu botsu aba gumamuvega. 3 Monyu umutubu la gugu rie: Ujaba yiri ndeju guvu Nsambi mosi buandi jingensa nojaba yiri jandi agu gumasindiga la Jesus Christ. 4 Nyi- mabega diruma diagu; nyimamana yisalu ayi gumapega. 5 Pa guirondi Tata, dodisa Muana agu na muemuvega bundumba abumaleba bujenu nandi mbe bulongu busakasundu. 6 Nyimajabisa diina diagu ombu batu aba gumapega. Jogu bamaba abagu na ndeju gu- mabapega. Bamakelisa mambu magu 7 kabogu bamajaba yiri motsu amavu nami meruyi- li ombu gagu. 8 Nyimabalonsa malongi ama gumandonsa na bamamagulu. Bamajaba yiri ngensa nyimaruyila ombu gagu na bamavaga yitu yiri ndeju gumansindiga. 9 Nyisambili mu diambu diogu. Ngowi- vula mu diambu dibisi bulongu tumba mu diambu dibatu aba gumapega mu mbari baji abagu. 10 Mu mbari botsu abavu nami, abagu na botsu abavu nagu, abami wandi mu diambu diogu nyimadodusu. 11 Nyimagusuga; jogu bosiala. Namapapa uruga nyiruyi ombu gagu. O Tata ami, mu diina diagu dimangolu kelisa jogu aba gumapega yiri jogu boba murima mosi nana jetu nagu. 12 Ava nyibetsi- li nogu, nsibakelisanga mu diina diagu. Nsi- kelisanga aba gumapega ne umosi agaatsie- muga, yika muana dubungu yiri Bisonu biudugusu. 13 Namunyi uruga nyiruyi ombu gagu; ava nyikivu nogu uvosa nyivosi yiri bolaba nsangu ami, nsangu ajivu jidugu. 14 Nyinobalonsa Mambu magu, bisi bulongu bamabavina mu mbari bagaa murima mosi netu. 15 Ngeguwivuli ubagusula mu bulongu buebubu tumba nyiguwivuli ubakelisa yiri mutu mubi agobabivisa. 16 Jetu nogu tugaa na dinonga na bisi bulongu. 17 Mu diambu dingensa agu. bavayi abagu: Mbembu agu jivu ngensa. 18 Nana ndeju gumansindiyila o bulongu, menu wami nyibasindiyi. 19 Mu diambu diogu nyimakevega ombu gagu yiri jogu wogu bokevega ombu gagu. 20 Ngesambili yiri gurangimina yika jogu buandi tumba na jogu abopayila yitu o gusu wandi. 21 Nyisambili yiri botsu boba na murima mosi nana jetu nagu tuvu umosi. yiri jogu wogu boba umosi mu jetu mbana batu bovaga yitu yiri ndeju gumansindiga. 22 Nyi- mabavega bundumba abu gumapega yiri boba umosi nana jetu nagu tuvu umosi. 23 Menu mu ndeju na ndeju mu menu yiri jogu wogu bosinga uba umosi na yiri bisi bulongu bojaba yiri ndeju gumansindiga na gumabaronda nana gumatondila. 24 Tata nyirondi yiri ava menu nyivu jogu aba gumapega boba vana wandi. Tata balasi bundumba buami abu gumapega mu mbari ndeju gumatonda ne bulongu bukasu- ndu. 25 O Tata ami, bisi bulongu basamagu- jaba tumba menu nyimagujaba na jogu baba bamajaba yiri ndeju gumansindiga. 26 Menu nyimabajabisa diina diagu na nyubuesa uba- jabisa dionyi yiri durondu duagu duba nogu na menu nyuba nogu wandi.
Source: © Bible.is, a ministry of Faith Comes By Hearing ®.
No comments :
Post a Comment