Ruth 3
1Yilumbu yimosi Noemi amatsingula Ruth rie: Muana, nyilabi yiri diweru dimatola ukunsa diambu diagu yiri gulabanga ubueji. 2Nana guijabili Booz agu gumasala va mosi na basalitsi bandi avu yiburu yietu. Na mukolu egugu osaga orsa va yisagulu yiandi. 3Buila, nogolila mua matsi noduara biduaru biboti mbana gukamurasuna o mbura aji esayili orsa tsiandi, guyakelasa ombu gandi te na amamana uji nonu. 4Ava owendila uyesilama gukaketa mbura aji oyesilamina. Mbana gukaduta dimfunga diandi noyesilama va makulu mandi. Jaʼ beni ogutsingula adi guvaga. 5Ruth amawaka rie: Nyuvaga motsu ama gumansingula.
6Amawenda o yisagulu na amayevaga motsu ama boji buandi amamutsingula. 7Booz amaji nonu na amalaba tindi nsangu. Mbana amayesilama bebeli na diguki diorsa. Kabogu Ruth amawenda na amaduta dimfunga diandi na buranga, na amayesilama va makulu mandi. 8Ava midi mimukolu Booz amarambuga na amagaangu na goma; amakambulu tindi ukambulu ulaba mugetu va makulu mandi. 9Amawivularie: Ndeʼ lanyi?
Ruth amawaka rie: Menu la musalitsi agu Ruth; kumbi dimfunga mu mbari guna musuga umbialila.
10Booz amawagula rie: Miula miFumu mibi nagu Ruth! Adi guivayi namunyi diviolili adi gumavaganga na kala. Gugaayenadukanga bafudu nesi bijaga nesi bisina. 11Guyamuelaba keri, nyuguvayila diotsu adi gukwivula; mu mbari bisi musiengi botsu bejabi yiri guji tindi mugetu. 12Dingensa nyina musuga uotsu, tumba vaki mutu ususu osinsa ubambana uviolila jnenu. 13Gukasilama, muna kedi nyuwenda nokunsa diambu diagu. Pa mutu eni ebusi, meʼ beni nyugukunsila motsu. Ne nana silama vana te na kedi.
14Kabogu Ruth amasilama va makiilu mandi te na kedi, amasimbuga nesi wisi ukatebuga. Mu mbari Booz amavosa rie: Batu bayajaba yiri ndeju gumakota o yisagulu. 15Amamutsingula rie: Vula yijungi yiagu noyiwala.
Amayiwala; Booz amapuga bietsu bisiamunu biorsa va julu yionyi. Ruth amayenatsibega; mbana Booz amayenagabuga o musiengi. 16Ruth amagabuga ombu boji buandi; Noemi amamuwivula rie: Yika tsienyi?
Ruth amamutsingula motsu ama Booz amamuvayila na 17amabuela rie: Atsipega bietsu biebibi bisiamunu biorsa na atsivosa rie: Disawelimina yiri gugabuga miogu na miogu ombu boji buagu.
18Noemi amawaka rie: Ka sunsa murima, tulelaba nana mambu molabinina, nyijabi yiri Booz agotamba nokunsa diambu; odivaga ne namunyi.
Currently Selected:
Ruth 3: PUU1992
Highlight
Share
Copy
Want to have your highlights saved across all your devices? Sign up or sign in
La sainte Bible en langue Yipunu © Alliance Biblique du Cameroun, 1992.
No comments :
Post a Comment