Job 28

 Dujabu nana duvu

1Lora jivema jivu na mbura aji jitimunu,

lora jivu na mbura aji jiwansulu.

2Mbe ka budilu buipalusu na difufundu,

mamanyi mabuonyi mesulumusu udila kunga.

3Babaala berombili mamanyi o tsi butamba na balambi,

utima betimi, udonsa bedonsi

o tsi mamanyi mapinda.

4Bevayi bandengu o tsi butamba nderi bakumbi.

Vala na batu va mbura atsigeviogulu,

babaala aberombi mamanyi usunduga besunduyi mu mikudu.

5Butamba buibendisi digumba

tumba o tsi buvu naeri bumanyensu na muji,

6buvu na mamanyi masafira

amuna bedili lora wandi.

7Dusuyi agejabi bandengu beni,

nesi nyunga jigerunguli ubilabilila.

8Ne yimbungu yigevioyi muna,

nesi yivimda yibibulu yisakavioga muna.

9Mutu upasa epasi mamanyi,

nesi utima etimi mikongu.

10Utoba etobi bandengu mu mamanyi,

ulaba elabi mamanyi madufunu duneni amavu muna.

11Ukanda ekandi mueyi usikiga mamba,

upalisa epalisi abivu bisuegu muna.

12Dujabu aguʼ duvu?

Diela divu na dibandu?

13Dugorungula usumbu na batu;

dugaa mu butamba buebubu.

14Dusatsi,

nesi o mbengi nesi o mubu.

15Dugosumbu nesi na lora

dugosumbu na lora jivema.

16Dugaa dedi na lora jiOfir,

nesi na mamanyi madufunu duneni: komayi na safira.

17Duiviolili nesi lora nesi mamanyi madufunu duneni,

dugorungula usopunu na yisanga yilora.

18Tsiri uranguna mamanyi: korayi na dusiengi…

Dujabu duvu na dufunu ne uviolila dimanyi diperala.

19Nesi matopasa maEthiopie,

nesi tindi lora jigaa dedi na duonyi.

20Kabogu dujabu agunyi duiruyisini?

Diela divu na dibandu?

21Dugelabini na batu,

dugelabini na batsoli ava bevioyili o julu.

22Dubungu na dufu bivosi rie:

Tumagulu misamu miduonyi.

23Nsambi ejabi agu duiruyili;

yika jandi ejabi dibandu didujabu,

24mu mbari elabi te no masuku mabutamba,

na egengili biotsu abivu va butamba.

25Ava amavayila mangolu mapunga,

ava amapitsila yietsu yimamba,

26ava amakunsila bietsu bimfula,

ava amakunsila nsila tsikaki na tsibidumi,

27avana dujabu duvu,

amadupalisa ava amalasila mangolu maduonyi.

28Mbana amatsingula batu rie:

Uyitsa Fumu la dujabu!

Ukakana na mabi la diela!

Currently Selected:

Job 28: PUU1992

Highlight

Share

Copy

Want to have your highlights saved across all your devices? Sign up or sign in

La sainte Bible en langue Yipunu © Alliance Biblique du Cameroun, 1992.